Sobre as 14 horas finalizou a manifestación convocada pola CGT da Coruña e que, partindo da Praza de Portugal, recorreu as principais rúas do centro da cidade. Cerca de 500 manifestantes integraron esta combativa manifestación. Durante o percorrido da mesma corearonse numerosas consignas contra a reforma laboral, os despedimentos e expedientes de regulación de emprego, contra os gobernos e a patronal, e a favor da folga xeral.
Ao chegar fronte á Delegación do Goberno, un portavoz da Federación Local Obreira deu lectura a un comunicado animando á clase traballadora a continuar dando resposta contundente ás agresións do capital e o goberno contra os nosos dereitos e condicións laborais.
